Skvamp!

Er að spá í að fara að stunda sund af alvöru eftir vinnu mánudaga til fimmtudaga. Ég og Haddi frændi fórum saman í íþróttahúsið, hann á fótboltaæfingu og ég í sund á meðan. Tók 30 ferðir sem er um 750 metrar og fór svo í heita pottinn í korter. Ég ætla að reyna að taka 40 ferðir í hvert skipti, semsagt einn kílómetra á dag af bringusundi. Tja, eða öðru sundi en ég er reyndar skítlélegur í öllu nema bringunni og kafsundi. Hmm, þetta eru pælingar.

Magnað dæmi, hér er allt krökkt af Rjúpum! Þær vappa hér um í hópum innanbæjar, eitthvað sem sést aldrei fyrir sunnan. Hvítar eru þær orðnar svo það hlýtur að taka af allan vafa um að veturinn sé kominn, ef einhver efast enn!

Athugasemdir

[Mist, 26.10.2007 kl. 15:08]

Mér líst vel á sundið. Ég er enn að tuða yfir því að ég þurfi að fara að hreyfa mig en ekkert gerist! Skrítið?

Svo verðum við að taka gönguklúbb næst þegar þú kemur suður. 

[Guðmundur Björn Sigurðsson, 27.10.2007 kl. 18:10]

Alveg bókað mál!