Vííí snjór!

Í vikunni þegar ég fór út til að ganga í vinnuna þá var nánast blankalogn og snjókoma með alveg risastórum dúnmjúkum snjóflygsum og jörðin var orðin alhvít. Mjög fögur sjón og mér að skapi, bara eins og í jólamyndunum sem maður horfir á í desember. En þetta entist stutt og var allt bráðnað eftir vinnu. Það er svosem ágætt líka, það er kannski aðeins of snemmt að fá þetta strax. En ég er vel til í að fá snjóinn í kringum desember svo ég geti farið að leika mér að festa bílinn í snjósköflunum eða kannski jafnvel prófa að fara á gönguskíði?

Athugasemdir

[Ásta Steingerður Geirsdóttir, 27.10.2007 kl. 20:51]

Gaman að lesa bloggið þitt. Borgarbúi að njóta sveitalífsins frábært. Hólmavík er áhugaverður staður, hef að vísu aðeins  einu sinni komið þar  og gisti þá á tjaldstæðinu. Það var í lok sept. á sl. ári. Veðrið yndislegt og svo mikil ró yfir öllu. Þær eru líka fallegar myndirna þinar þarna að norðan. Ég segi norðan því ég er á  höfuðborgarsv. annars  er þetta vestur fyrir  mér í raun þar sem ég er austfirðingur. Njóttu verunnar á ströndunum en passaðu þig á Sigurði Atlasyni ....hann er göldróttur

[Guðmundur Björn Sigurðsson, 27.10.2007 kl. 23:42]

Hehe, ég hef það í huga.

[Anna Hendrix (IP-tala skráð) 28.10.2007 kl. 13:56]

Hæ Gummi minn æðislegt hvað allt er að ganga vel hjá þér

sakna þín úr borg óttans enn þegar þú kemur í hana hringdu og fáum okkur kaffi eða kíkjum á eitt stykki skrall :)