Akureyrarskrepp

Dagana 12.-14. júlí fórum við Benjamín til Akureyrar í heimsókn til Gógó frænku og fjölskyldu. Veðrið var virkilega gott hluta tímans og nutum við okkar mjög á svæðinu. Við fórum tvisvar í sund, í Akureyrarlaug og í laugina í Hrafnagili, við fórum á tvö söfn, í Leikfangahúsið og í Nonnahús og kíktum einnig í Jólahúsið þar sem jólin ríkja allt árið um kring! Það var þó síður en svo jólalegt fyrir utan húsið enda sýndi hitamælir bílsins mest 27 gráðu hita í Öxnadalnum á leiðinni heim. Við enduðum skemmtilega feðgaferðina okkar á að fara í göngutúr um Hrútey í ánni Blöndu við Blönduós og komum heim með bros á vör! Ég hugsa að ég taki fyrir ættarmótið sem við skreppum á og bílabilun / bölvun næst þegar ég drep niður penna, haha!