Fréttir!!!

Nýjustu fréttir!!! Haldið þið ekki að ég sé búinn að sækja um í nám í haust! Vá, ég trúi því ekki enn sjálfur! Ég er kannski að fara í skóla aftur...og það í fyrsta sinn í sex ár!!! Vááá hehe, gleeeði!!!!!! Jájá, ég veit, ég veit, ég er að missa mig af spenningi! Úff, ég þarf að slaka aðeins á... Eins gott að ég komist einhversstaðar inn segi ég bara, vonbrigðin yrðu svo þvílík ef ég kæmist ekki, vil ekki einusinni hugsa um það. Skyndiákvarðanir eru snilld og þessi er það svo sannarlega :D

Ég er annars kominn í viku frí og ætla að skreppa með fjölskyldunni í sumarbústaðarferð austur á Kirkjubæjarklaustur einhvern tíman eftir hádegi í dag, þannig að ef ég svara ykkur engu á netinu þá vitið þið ástæðuna. Sjáumst! :D

Athugasemdir

[Þráinn Jökull Elísson, 12.6.2009 kl. 05:11]

Færeyjamyndirnar eru frábærar. Ég sé að það er loksins búið að innrétta efri hæðina í Cafe Natur. Ég bjó í Þórshöfn í ellefu ár og kokkaðist, meðal annars í Ríó Bravo. Fórstu nokkuð þangað?

Maður er kominn með bullandi heimþrá.

Bestu kveðjur.

[Guðmundur Björn Sigurðsson, 19.6.2009 kl. 18:52]

Sæll Þráinn og takk fyrir hólið. Þórshöfn er yndislegur bær og Cafe Natur var sá staður sem ég byrjaði oftast á ef ég kíkti niðrí miðbæinn, alveg frábær staður. Ég á alveg örugglega eftir að skreppa aftur til Færeyja við fyrsta tækifæri. Nei, ég fór aldrei inná Ríó Bravó, að minnsta kosti ekki svo ég muni. Hef staðinn í huga næst!